Olifantsrivier Jongwynskou 2026 – ’n Aand van Glans en Gasvryheid
Die Keldery Venue in Vredendal het op 8 Augustus 2026 weer geskitter as die hartklop van die Weskus Wynroete tydens die Olifantsrivier Jongwynskou. Hierdie gesogte geleentheid, deel van die Suid-Afrikaanse Jongwynskou, het plaaslike wynmakers en produsente vereer vir hul uitmuntende jongwyne.
Irit Noble, ’n trotse Weskusser, het as MC die gehoor met haar sprankelende persoonlikheid verwelkom. ’n Driegangmaaltyd, meesterlik voorberei deur die bekwame span van Red Ox Restaurant, het perfek saamgesmelt met die streek se beste wyne, terwyl gaste ook die bekroonde inskrywings kon geniet.
Trofees en Toekennings
Die hoogtepunt van die aand was die oorhandiging van sertifikate en trofees aan die streek se kelders en produsente:
- Namaqua Wines het uitgestaan met talle kategorie- en trofeewenners, insluitend die Wemmie van Zyl Trofee en die titel van Beste Wyn van die Olifantsrivier Jongwynskou vir hul Malbec (Gehout).
- Klawer Wynkelders en Lutzville Vineyards het ook sterk vertoon met klaswenners en nasionale goue medaljes.
Baie geluk aan al die kelders en produsente – julle het die 2026 Jongwynskou laat skitter!
Dank aan ons borge
Hierdie glansgeleentheid sou nie moontlik wees sonder die ruim ondersteuning van ons borge nie: Beveratech, Porex SA, PSG Wealth, PSG Wealth Vredendal, Vinochem, JDW Transport, Columbit, CTP Cartons & Labels, Ever Solutions SA. ’n Spesiale dank ook aan Die Keldery vir die borg van die venue, Rooms with a View vir akkommodasie, en Lester van Dieds Creative Solutions vir die pragtige foto’s.
’n Fees van Weskus Gasvryheid
Na die formele program is die dansvloer geopen deur DJ Lourens, en gaste het die aand afgesluit met musiek, wyn en gesellige kuier.
Die Jongwynskou het weereens bevestig dat die Olifantsrivierstreek ’n trotse rol speel in Suid-Afrika se wyn-erfenis.
En nou wag ons op die Suid-Afrikaanse Nasionale Jongwynskou wat op 21 Augustus 2026 plaasvind. Hou hierdie spasie dop…
